تحریر: آصفہ بلوچ
صوبہ بلوچستان جو کہ رقبے کے لحاظ ملک کا سب سے بڑا صوبہ ھے اور پاکستان کے تقریبا چوالیس فیصد رقبے پر پھیلا ھوا ھے ۔ بلوچستان کو اللہ نے بے شمار قدرتی وسائل سے مالا مال کیا ھے ان قدرتی وسائل میں سے گیس بھی ھے۔ اور صوبہ بلوچستان ملک کے دیگر صوبوں کو گیس فراہم کرتی ھے ملک کے دیگر صوبوں کو گیس فراہم کرنے والے صوبے کے بتیس اضلاع میں سے صرف سات اضلاع کو گیس کی سہولت میسر ھے جبکہ باقی اضلاع بشمول کیچ ، پنجگور، لورالائی، بارکھان، قلعہ سیف اللہ اور ایسے دیگر کئی اضلاع میں گیس کی سہولت سرے سے موجود ھے ھی نہیں۔
بلوچستان کے چند علاقوں میں شدید سردی پڑتی ھے اور پاکستان کے سرد علاقوں میں شمار کئے جاتے ھیں مگر خون جما دینے والی سردی میں بھی وہ گیس کی سہولت سے محروم ھیں ۔ بلوچستان میں شرح غربت کی اوسط ملک کے دیگر صوبوں کی نسبت زیادہ ھے مگر گیس کی سہولت نہ ھونے کی وجہ سے یہاں کے شہری لکڑیوں کو بطور ایندھن استعمال کرتے ھیں جسکی وجہ سے صوبے بھر میں جنگلات تیزی سے ناپید ھورھے ھیں جو کہ ماحولیاتی تبدیلیوں کا سبب بھی بن رھا ھے۔
باقی اضلاع تو دور کی بات جہاں گیس کی سہولت سرے سے میسر نہیں اگر صوبائی دارلحکومت کوئٹہ کی بات جائے تو سردیوں کے شروع ھوتے ھی گیس کا بحران شدت اختیار کر لیتا ھے۔ گیس کی پریشر میں کمی تو ھوتی رھتی ھے پر اکثر گیس نہ ھونے کے برابر ھی ھوتی ھے۔ لیکن کیا کہیں، کسی کو احساس تک نہیں ھوتا کیونکہ خود تو بڑے ایوانوں میں بیٹھے ھوئے ھوتے ھیں ۔ احساس ھی نہیں کہ عوام پر کیا بیت رھی ھے۔ ایک طرف تو لوگ سڑکوں پر نکل آئے ھیں تو دوسری طرف منتخب نمائندے انکی داد رسائی کیلئے کچھ نہیں کررھے۔ گزشتہ چند دنوں سے کوئٹہ کے علاقوں سریاب، نواں کلی ، سبزل روڈ اور دیگر علاقوں کے علاقہ مکین سراپا احتجاج ھیں۔ تو دوسری طرف رواں سال کے بیس دنوں میں کوئٹہ میں گیس لیکج کی وجہ سے کئی اموات ھو چکی ھیں کیونکہ دن رات گیس کہ آنکھ مچولی جاری رھتی ھے۔
یاد رہے حکومت بلوچستان نے گیس کے بحران کا مسئلہ وفاقی حکومت کے سامنے اٹھایا ھے حکومت اور اپوزیشن کے ممبران اسمبلی وفاق سے شکایت کرتے نظر آرھے ھیں لیکن سوال ایک ھی اٹھتا ھے " کہ جہاں سے گیس نکلتی ھے وہیں کے باسی ھی گیس سے محروم مگر کیوں ؟ "۔
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon